కళ్యాణ్ రామ్ అమిగోస్ సెన్సార్ పూర్తి

నందమూరి కల్యాణ్‌ రామ్‌ హీరోగా మైత్రీ మూవీ మేకర్స్ ప్రతిష్టాత్మకంగా తెరకెక్కిస్తోన్నచిత్రం ‘అమిగోస్‌’. ఫిబ్రవరి 10న గ్రాండ్‌గా విడుదలవుతోన్న ఈ చిత్రానికి సంబంధించిన తాజాగా సెన్సార్ కంప్లీట్ అయ్యింది. సెన్సార్ టీమ్ ఈ మూవీకి U/A సర్టిఫికేట్ ఇచ్చింది. అంతేకాదు సెన్సార్ టీమ్ నుంచి కూడా పాజిటివ్ రెస్పాన్స్ వచ్చినట్లు తెలుస్తోంది. ఇక ప్రచారంలో భాగంగా తాజాగా ప్రీరిలీజ్ ఈవెంట్ జరిగింది.

ఈ కార్యక్రమానికి ముఖ్య అతిథిగా హాజరైన ఎన్టీఆర్‌ మాట్లాడుతూ ‘‘మా ఇంట్లో ఎంతమంది నటులున్నా.. ఎక్కువ ప్రయోగాలు చేసింది అన్నయ్య కల్యాణ్‌రామే! ఈ చిత్రం ఆయనకు మంచి విజయాన్ని అందిస్తుంది. దర్శకుడు రాజేంద్ర ఇంజినీరింగ్‌ చేశారు. ఆయన తల్లిదండ్రులు ఉద్యోగం చేసుకోవచ్చు కదరా అంటే.. నేను ఓ సినిమా తెరకెక్కించాకే తిరిగి ఇంటికొస్త్తానని చెప్పారు. కానీ, సినిమా మొదలయ్యే లోపు వాళ్లమ్మ, పూర్తయ్యే లోపు తండ్రి కాలం చేశారు. సినిమా పట్ల ఓ మనిషికి ఇంత ప్రేమ, తాపత్రయం ఉంటుందా అనేది రాజేంద్రను చూశాకే తెలిసింది. మైత్రీ మూవీస్‌ అంటే నా కుటుంబంతో సమానం. వరుసల విజయాలతో ఉన్న ఆ సంస్థ ఈ చిత్రంతో సక్సెస్‌ ట్రెండ్‌ కొనసాగాలని కోరుకుంటున్నా. అని అన్నారు.

ఈ చిత్రంలో కళ్యాణ్ రామ్ మూడు విభిన్న పాత్రల్లో కనిపించారు. ఇప్పటికే సిద్దార్ధ్ అనే ఎంటర్‌ప్రెన్యూర్‌గా.. మంజునాథ్ అనే సాఫ్ట్‌వేర్ ఇంజినీర్ పాత్ర, మూడో పాత్ర మైఖేల్‌ గ్యాంగ్ స్టర్‌గా కనిపించనున్నారు. మరి ఈ చిత్రం బాక్సాఫీస్ దగ్గర సూపర్ హిట్‌గా నిలుస్తుందా లేదా అనేది చూడాలి.